日本大根蘿蔔清湯腩

日本大根蘿蔔清湯腩

日本大根蘿蔔清湯腩，食譜來自一個谷友，如果買到坑腩就當然好，不過買唔到用一般牛腩都好正，重點係條日本大根，比起用本地蘿蔔真係好味好多，這個谷友提供的方法，兩煮兩焗，真係好方便，牛腩好快冧，個湯好清好甜，又簡單易做，讚

午夜家常餃子

而家每次包餃，只可以在午夜進行，因為等丫囡訓左，才是禾的私人時間，即實驗室的開放時間~

這個家常餃子，也可以簡單說成廚餘餃子，材料用左家裏冰霜的蕃茄、旦、豬肉，參照韓式的蕃茄餃／青瓜餃，煮起後餃子透出蕃茄的紅噹噹，都幾靚丫

自制手打烏東

午夜自制手打烏東

今日係FB一個麵包谷，看見人用P仔做烏東，心癢癢想試下，再係網上揾到一條日清的網站，圖文並茂～雖然P仔的說明書食譜用高筋+低筋，不過禾最後都買左日清的中筋粉試做，成果係個烏東夠韌，但係吾夠彈牙，仍有待改善。第一次做，切工馬馬，好粗，要練習多d，希望下次會靚仔d～

午夜燶义

自家制焗蜜汁义燒

食譜來自FB一個谷友提供，建議可以買肥一點點的梅頭肉，焗起香氣滿溢，有小吉忍唔住偷食左一細舊，激氣～

Ad hoc @ 牛肝菌編

＜＜帶子伴白菌汁牛肝菌扁意粉＞＞

今日剛加入了Ad Hoc club，每兩週會有不同的主題材料，圍繞主題材料制作一味菜餚，第一次的主題是牛肝菌Porcini，無獨有偶今日買了材料打算煮＜＜帶子伴白菌汁牛肝菌扁意粉＞＞，獻醜了～

材料：韓國直菇，白磨菇，牛肝菌，油浸茄乾，乾蔥，蒜頭，淡忌廉，雞湯，白酒

 

做法：扁意粉先用熱水加少許塩煮到軟身，大約5-6分，落少少olive oil，放涼備用～燒熱鍋爆香乾蔥和所有菌類，落蒜頭，贊酒，差唔多乾再落雞湯和茄乾，幾分鐘後落埋淡忌廉，慢火煮10min，可以加入扁意粉伴均便成～

日式之夜

天氣太熱，無乜謂口，想食壽司，不如就做個日式套餐，有青瓜蟹柳紫菜包飯，日式金菇牛肉卷（食譜來自簡易廚房），日式朱軟骨（食譜來自人氣bloger Carol），super yummy

 

浸子薑

浸子薑

係FB見到老師的status，關於自家制子薑，跟住見到一眾姐妹們都一齊浸，作為copy duck，一定死跟，便隨波逐＂浸＂～禾念都無念過會自己親手做呢樣野，之前生囡果煲薑醋都係禾丫媽一手包辦，今次由刮薑沖洗至入樽都係禾做，感覺好有滿足感～

材料：子薑3斤、白醋250ml、冰糖100克、鹽適量


做法：

1. 子薑刮去表皮洗淨切薄片，加入鹽拌勻醃1 hr。

2. 用冷開水沖洗乾淨，瀝乾後用廚紙盡量抹乾薑片。

3. 白醋和冰糖放入鍋中煮滾至糖完全溶化，放涼，準備一個有蓋玻璃瓶，浸熱水消毒風乾，把已抹乾的薑片放入，加入已準備好的白醋糖溶液，蓋上密封，放入雪櫃一日後可供食用